NO TE AHA

Òrometua mä, Tiàtono mä, te mau Haapii Parau Maitaì, te mau Òrometua Pupu, te mau metua, te mau tamarii e tätou e hope roa, ia haamaitaìhia te Atua no te rahi o tö na here e tö na aroha ia tätou, tei tono mai i te Tamaiti ia Ietu no te faaora i tö na nünaa e rave rahi. 

Tumu parau : Ôpuaraa rëni Nati Reva

Fä : Nati te mau Haapiiraa Täpati Tuhaa 2

- No teie ôpuaraa rëni Nati Reva, e parau tei faahitihia i roto i te Apooraa Tuhaa a te Haapiiraa Täpati tei tupu i Tiàiti Paea i te mahana mäa 29 no Më 2021.

- No te maì Fïva 19 ta Mäòhi nui e faaruru ra i manaòhia ai e rave i teie täpura òhipa tei faatopa i te mau färereiraa Tuhaa. E tïtauraa no te fauraò i te mau haapiiraa na nià i teie mau paèpaè no teie tau âpï tei tano ia faaòhipahia.

- No teie rëni Nati Reva, o te tahi teie huru raveraa tei täpeàhia mai i mua i te rauraa o te mau faanahoraa e haruru ra i nià i te tahua nati reva. E riro änei teie huru faaìteraa i te tauturu i ta tätou tereraa òhipa i te Tuhaa 2 nei, na te tau te reira e pähono mai, na roto i ta tätou faahoturaa i te mau maitaì tei höroàhia i te taata hoê no te uì hou e rave rahi.

Teie i raro nei te rëni nati reva a te Haapiiraa Täpati Tuhaa 2

https://haapiiraa-tapati-t2.over-blog.com/

Ia maitaì noa !